قضية_السلـ،ـخانة_وفاء_مكي
الفنانة وفاء مكي اللي اشتهرت بدورها في ذئاب الجبل وبعد سنين من عملها واعتزالها الفن.. خرجت من يومين واشتكت من ضيق الحال اللي عايشه فيه.. وان الكل تخلى عنها.. وانها مش لاقيه لقمة تتاكل في البيت.. لدرجة انها لمة كل قرش ف البيت عشان بس تجيب ف الاخر كيس عيش حاف! ده غير امها اللي مريضه بالسرطان ومش عارفه تعالجها عشان قلة الفلوس!…
كل الناس تفاعلت مع كلام الفنانة وفاء وحالة كبيرة من التعاطف لوفاء مكي.. لكن لو عرفتوا حكاية قضية ” السلخانة” الشهيرة.. هتعرفوا ليه الفنانة وفاء مكي ووالدتها اتعرضوا لضيق الحال ده… وهتتاكدوا ان ربنا مش بيسيب ابدا.. تعالوا اعرفكم الحكاية من اولها لان كتير منكم مايعرفش حاجة عن القضية اللي اتهمت فيها وفاء مكي بسلخ وتعذيب خدامتين كانوا شغالين عندها!…
في التسعينات وتحديدا سنة 1998 وفي عز شباب الفنانة وفاء مكي وجمالها.. والشهرة اللي حققتها في بدورها بمسلسل ذئاب الجبل.. كانت وفاء مكي متجوزه من شخصية مهمة.. وكان عندها خدامتين في سن ال16 سنه.. خدامة كان اسمها ” مروة ” وسنها 15 سنة ودي كانت مهمتها الطبخ وترويق البيت.. والخدامة التانية اسمها ” هنادي ” وعندها 16 سنه ودي كانت مهمتها تلبيس الفنانة.. الاتنين كانوا من قرية صغيرة اسمها ” ابنهس ” موجودة في المنوفية…
في يوم من الايام كانت الفنانة وفاء مكي في الشقة وجوزها مكنش موجود.. ومروة كانت بتروق الشقة وجت تروق جنب اوضة وفاء.. في اللحظة دي سمعت صوت ضحكات خارجة من اوضة الفنانة! ضحكات ليها ولشخص تاني كان معاها.. البنت بشويش كده قربت للباب وكان مش مقفول… وشافت ان الفنانة وفاء مكي برفقة شخص غريب وعلى السرير ف وضع مش تمام! هنا البنت سكتت ولا اتكلمت… لكن لما جوز وفاء جه للبيت البنت مروة حكت له على كل حاجة حصلت.. قام الزوج ضربها بالقلم وراح ع وفاء اوضتها وفضلوا يزعقوا مع بعض وخناق بقى وانتي بتخونيني! وبعدها الراجل خرج متعصب من البيت.. وفاء بقى عملت ايه؟ راحت ع المطبخ وعنيها بتطق شرار وفي قرارة نفسها بتقول انا هأدبك يا مروة انتي بتخربي بيتي! وام وفاء مكي كانت موجودة وقتها.. طب ايه رد فعلها لما شافت بنتها جايه وف ايديها سكين متسخن ع النار؟ الام مسكت البنت وكتفتها من ايديها.. ووفاء قامت وسلخت البنت.. كانت بتحط السكين في كل حته في جسمها وف اماكن حساسه… وعلى فخدها.. والبنت تصرخ عشان يرحموها ولا وفاء هنا ولا امها!.. البنت انهارت ومن كتر الالم فقدت الوعي!…
الحكاية لسه مانتهتش؟ بعد تعذيب البنت من وفاء وامها.. جابوا كاميرا قديمة كده وصوروها هي واختها واجبروا مروة واختها انهم يعترفوا امام الكاميرا انهم سرقوا الدهب عشان يعني لو اتقفشت وفاء يكون ف دافع وهو سرقة البنات لدهبها وفلوسها!.. وبعد الاعتراف ده اخدوا البنت وراحوت بيها ع الحمام وكتفوها.. وهنا بقى يستمر كل اشكال التعذيب اللي ممكن تتخيلها او ماتتخيلهاش.. استمر التعذيب لمدة 21 يوم! ضرب وسلخ وتقطيع شعر وسلخ بالسكين ف اماكن حساسه.. لحد ما خلاص البنت مابقاش فيها حيل.. البنت تعبت جدا.. ووفاء جابتلها دكتور تعرفه وقالها ان البنت بتعاني من حروق شديدة وتسمم دم ولازم تتنقل للمستشفى! طبعا مستشفى ايه اللي هتتنقل فيها ده لو حصل وفاء هتتكشف! فالمهم هي كلمت فنان صديقها اسمه “احمد البرعي” قالت له يجي يلحقها..
جه الفنان احمد البرعي وشالوا البنت ورموها في طريق مصر اسكندرية عند المزلقان قبل مدخل قريتها وهربوا وهنا كانوا فاكرين ان خلاص الحكاية خلصت … لكن القدر كان لازم يكشفها.. حد شاف البنت مرمية ف الطريق وعرفوا ان دي بنت حد ف القرية.. اخدوها وودوها لبيت اهلها.. واهلها ودوها ع المستشفى… ولما فاقت البنت حكت لالها ان اللي عذبها هي الفنانة المشهورة وفاء مكي!..
وفاء مكي بقى لما عرفت ان البنت راحت لاهلها وحاليا ف المستشفى والشرطة بتبحث عنها.. قررت التخفي وتهرب.. لبست نقاب وكانت بتتنقل من محافظة للتانية.. حتى انها راحت متخفيه لقرية البنت مروة وحاولت تدي ابوها فلوس عشان يتنتزل.. لكن الاب رفض وقال ولا كنوز الدنيا وانا عايز حق بنتي المسكينة اللي اتحرقت على ايدك!…
في النهاية وفاء مكي اتقبض عليها وهي في طريقها لبركة السبع بالمنوفية… تم تقديمها للمحاكمة وحكم عليها ب 10 سنين وتعويض 51 للبنت مروة…
بس عايز اقولكم ان وفاء مكي ماقعدتش ال10 سنين في السجن؟ هي قعدت بس 3 سنين واخدت عفو صحي! وابو البنت اخدت 30 الف جنية! واهو رجعت تاني ولا كأنها عملت جريمة في حق بنت مسكينه!…
الناس بتنسى لكن ربك مش بينسى واهو بتعيش في ضيقة حال بعد مرور اكتر من 20 سنه على تعذيبها للخدامة!…
