قصة جوزي اتجوز سلفتي
الجزء 3
بعد ما حماتي قالتلي ان جوزي فوق عند سلفتي قلتلها : طيب هطلع أنادي له و بالمرة أسلم علي دلال ( سلفتي ) .
قالتلي : تلاقيه هينزل دلوقتي دي سلفتك نادت له مش عارفة عاوزاه يعملها إيه في الشـ،ـقة خليكي و هطلع أنادي له أنا .قولتلها : لأ خلي الولاد معاكي و مع ولاد عمهم و أنا هطلع انا و سبتها و طلعت قبل ما تتكلم تاني .
خبط علي الباب …. لما الباب فتح لاقيته خارج لي بفانلة حمالات و بنطلون ترنجو لمحتها وراه لابسة عباية خفيفة و شعرها مش متغطي .أول ما شفت المنظر من سكات خدت بعضي و نزلت علي حماتي علشان أخد ولاديو هو نزل جري ورايا ماتفهمنيش غلط و الله ما فيش حاجةحماتي أول ما شافته قالتله : مش دلال نادت لك علشان تصلح حاجة في شـ،ـقتها .
قالي : اه كنت بشوف السخان مش راضي يشتغل ليه .قلتله بتشوف السخان بالفانلة الحمالات .و خدت ولادي و نزلت و هو نزل جري ورايا يقولي هفهمك كل حاجة .سبته بيتكلم و وقفت تاكسي و روحت علي بيـ،ـت والدي و أنا منـ،ـهارة و حكيت لهم كل حاجة .
و عدي أسبوع و بالرغم من ان أول مرة جه فيها والدي هزأه بس فضل ييجي طول الأسبوع كل يوم يطلب يقابلني و أنا مكنتش برضي أقابله كنت بخرج له الولاد يسلموا عليه و كان بيقعد شوية ويمشي .و بعد الأسبوع وافقت أني أخرج أقابله .
أول ما شفته قلتله : أنا عاوزه أعرف ايه اللي بينك و بين مرات أخوك ازاي والدتك تسمح بحاجة زي دي وكمان بتداري عليكم ؟ واعمل حسابك لو كدبت فيأي حاجة اعتبر ده نهاية كل اللي بيني وبينك .قالي : و الله دي مراتي علي سنة الله ورسوله .أول ما سمعته بيقول كده قولتله : مراتك امتي وازاي ؟؟؟؟؟و ليه أنا قصرت معاك في إيه ؟؟؟؟؟؟؟؟؟؟؟ قولي !!!!!! طبعا كنت منهـ،ـارة إزاي يعمل فيا كده .
قالي أنا ما كنتش موافق بس لولا إن والدتي ضغطت عليا لأنها كانت عيانة جامد في الفترة ديو أنا خفت تروح مني زي أخويا بالذات ان دلال قالت لها أنها مش هتقعد و هتتجوز فما كانش قدامي غير أني أوافق أمي كان كل همها ان ولاد أخويا محدش غريب يربيهم .قلتله : أنتو صح مش معقول حد غريب يربي ولاد أخوك أنت أولى بيهم بس ولادك بقي أنا هجيبلهم راجل غريب يربيهم علشان أبوهم بيربي و لاد عمه مطلـ،ـقتي ……
الجزء 4
قالي : أنا عمري ما أقدر أستغني عنك و لا عن ولادي و لولا أن أمي ضغطت عليا عمري ما كنت وافقت أبدا بلاش تهد،مي حياتنا أنا تعبت أوي من غيركم اليومين اللي فاتو دول ومستعد أعمل أي حاجةعلشان تسامحيني .قلتله : لولا أن عندنا ولاد كنت أصريت علي الطـ،ـلاق بس علشان خاطر ولادي هديك فرصة تانية هقولك يا تختار ولادك يا تختارها هي و ده اخر كلام عندي .من غير ما يفكر قالي : موافق .
و بعد أسبوع جوزي جابلي ورقة طـ،ـلاق سلفتي بالثلاثة و روحنا معاه البيـ،ـت أنا والولاد .بالرغم من ان حماتي مكنتش موافقة وقاطـ،ـعت جوزي فترة بس بعد ما الأمور هديت جوزي صالحها . أما سلفتي فأول ما عرفت أن جوزي طلـ،ـقها سابت البيـ،ـت لحماتي و أخدت ولادها معاها و راحت عند أهلها و طبعا هـ،ـددت حماتي انها هتتجوز و مش هتخليها تشوف الولاد .
بس بعد فترة اضطرت ترجع تكلم حماتي و رجعت البيـ،ـت عشان مصاريف الولاد لأن جوزي هو اللي متكفل بيهم .أما جوزي و بصراحة كان بيحاول علي قد ما يقدر يراضيني و يعوضني عن اللي عمله و واحدة واحدة رجعنا زي الأول و ما بقاش يروح لحماتي لوحده ابداااااااااااااااا
